జీ మెయిల్ యూఐ అనువాదం పూర్తి

ఔను…జీమయిల్ యూఐ పూర్తయ్యింది…
ఇది నా చేత్లో పూర్తయ్యినందుకు నాకు చాలా ఆనందంగా, గర్వంగా కూడా ఉంది…ఐతే నేను చేసినవి చాలా తక్కువ అనువాదాలు మాత్రమే…మిగితావి కూడా చెయ్యడానికి రెట్టింపు ఉత్సాహం ఇప్పుడే కదా వచ్చింది…ఇక చూడండి, నేను పరిగెడతాను.

మళ్ళీ: పైది పోస్టు చేసిన పది నిమిషాల్లోనే గూగుల్ ప్రధాన సేర్చీ అనువాదం కూడా నా చేతిలోనే పూర్తయ్యింది…

మళ్ళీ: జీమయిల్ ఈమయిలు భాగం కూడా పూర్తి…ఇది నేటి మూడవ విజయం… ఇప్పుడు తెల్లారిందిలే కానీ నాకు యమా నిద్దర వస్తొంది…ఇంక నేను తొంగుంటా…ఉంటా మరి.

మీరు అనువాదాలని పునపరిశీలించడం మరవద్దు, దయచేసి….
తక్కిన అనువాదాలను పూర్తిచేయడానికి ఇక్కడ నొక్కండి!

విస్టా గురించి వాగుడు(2)

మొన్న విస్టా గురించి వాగినప్పుడు, అది ఎక్స్ పి కంటే కొంత ఎక్కువగా తెలుగుకి మేలు చేస్తుందనే విషయం అందరికీ అర్ధం అయ్యే ఉంటుంది, ఐతే మిగితా విషయాలు గిరుంచి మనలో కొంతమంది విండోస్ డెవలపర్లు పెదవి విరిచుకున్నట్టు ఉన్నారు. ఏది ఏమైనా వాగడం మొదలెట్టాను కనక, కొనసాగించడం తప్పని సరి అని అర్ధం అయ్యింది. ఐతే..

పేరు చెప్పని ఆసామి అన్నట్టు మ్యాక్ రోజుకి ఒకసారి క్రేష్ ఔతుంది అనే మాట అన్ని సార్లు వాస్తవం కాదండి! ఎందుకంటే, మా స్నేహితుడొకడు తన మ్యాక్ బుక్ ను రెండు సంవత్సరాలలో ఒక్క సారి కూడా కట్టెయ్యలేదు(షట్ డౌన్), ఆ అవసరం రాలేదు అంటే నేను కూడా నోరు తెరిచి చూశాను, ఆ తరవాత ఇంకా 4, 5 మందిని స్వతహాగా కలిశాక, ఆ విషయం నమ్మకతప్పలేదు. నాలుగు నెలలు కిద కొన్న నా మ్యాక్ బుక్ ని కూడా ఇప్పట్ వరకు కట్టెయ్యలేదు అంతే నమ్ముతారా.

అన్నట్టు తమ ఓ ఎస్ ను తమ కంపెనీ వారు కాపీ కొట్టుకుంటే తప్పేముందో అర్ధం కాలేదు. అంతా బాగున్నప్పుడు పోయేదేముందంట?

ఇక గ్రేఫిక్కుల విషయానికి వస్తే, నిజమే కోర్ యానిమేషనుని విండోస్ లో మిళితం చేసినందు వల్ల అన్నీ అందం గా ఉంటాయి, ఐతే లోపలి విడో ఏ పీ ఐ అంత మార్పులు నాకు ఏమీ కనపడలేదండీ, బహుశా ఇంకొన్నాళ్ళకి ఏమన్నా కనపడుతుందేమో?! 512 ఎం బి అంతే మరి అందరికీ ఉండదు కదా. మరి 512 ఎం బి నే ఎప్పుడూ అమ్మే మ్యాక్ లో అన్ని వర్షనులూ పనిచేస్తున్నయ్ కదా? ఏది నయం అంటారు?

ఇక ఉచిత సాఫ్ట్వేర్ అంటారా, ఏ కంపెనీ ఉచిత సాఫ్ట్వేర్ ఇచ్చినా దాని వెనక అంతరార్ధం వేరే ఉంటుంది, పిక్చర్ మేనేజర్ అనే మైక్రోసాఫ్ట్ ఉప్పకరణ ఆఫీస్ తోనే కొనచ్చు, మరి ఆఫీస్ అంటే 700 డాలర్లు, అదే మ్యక్ ఫొటోబుక్ ఓ ఎస్ తో ఉచితం, రెంటినీ పక్కన పెట్టి పోల్చితే మీరే మొదటి దాని మీద ఊస్తారు!

అలా అని నేను మ్యాక్ పక్ష పాతిని కూడా కాదు… వాళ్ళు చేసేది వ్యాపారమే, జనాలని ఏమీ ఉద్ధరిచట్లేదు. పైగా వారి ఓ ఎస్ ను వాడాలి అంటే కంప్యూటర్ను కూడా వారి దగ్గరే కొనాలి. ఇది చాలా మందికి బాధాకరమే, ముఖ్యంగా మన జతచేసిన(ఎసెంబుల్డ్) కంప్యూటర్లు వాడే వాళ్ళకి ఎందుకూ పనికి రాదు…వాళ్ళ మార్కెట్టు వాళ్ళది మరి!

మరి కంప్యూతర్లు జనాల్లోకి వేగంగా దూసుకుపోతున్న ఈ రోజుల్లో జనాలు మెచ్చే సాఫ్ట్వేర్ కొనుక్కుంటారు కానీ అటు డెవెలప్పర్ కీ(లినక్స్ మంచిది కదా), ఇటు చివరాఖరి వినియోగదారుడికీ(మ్యాక్) పనికి రానిది శ్రేష్టం అని ఎట్లా అంటాం? అందుకే మెల్లగా అందరూ మ్యాక్ ల వైపూ జనాలు మొగ్గుతున్నారు. చూద్దాం వాడగా వాడగా విండోస్ జనాన్ని ఎంత మెప్పిస్తుందో?

ఇదంతా ఎలాగున్నా ఈ రజుకి మాత్రం విండోస్ ను వాడటంలో తప్పు లేదు, ఎందుకంటే, నాలా, చాలా మందికి కంప్యూటర్ గేంస్ అనీ, తక్కిన ఉచిత సాఫ్ట్వేర్ అనీ, ప్రస్తుతానికి, విండోస్ కి ఉన్నంత గుర్తింపు మిగితా వాటికి లేవు, పైగా లినక్స్ కి కదులుదామంటే సరిపడా సమయం కానీ, సలహా కానీ ఇప్పుడిప్పుడే దొరుకుతోంది…అందుకే నేను కూడా అటు ప్రయాణిస్తున్నా..ఏదో ఒక రోజు మీరు కూడా నాతో లినక్స్ రధాన్ని ముందుకు తీసుకుని వెళ్తారు కదూ?

ఆ రధాన్ని వదిలేసినా పరవాలేదు కానీ మన తెలుగు రధం తాళ్ళు గట్టిగా పట్టుకునే ఉండండి.

తెలుగు భాష మాట్లాడదాం, తెలుగు అక్షరాలు రాద్దాం, తెలుగు వంటలు తిందాం, తెలుగు బతుకు బతుకుదాం.

జై తెలుగు తల్లి…(ఆవేశం ఎక్కువైందా??)

దారి తప్పిన పరాయి బ్లాగు:

ఈపాటికి అందరూ గమనించే ఉండుంటారు, ఎవరో తమ బ్లాగుని ఒక్క తెలుగు అక్షరం కూడా లేకుండా తెలుగు బ్లాగుగా నమోదు చేశారు. విడ్డూరం ఏంటయ్య అంటే, అయ్యగారి బ్లాగుని ఇప్పటికే 3049 సార్లు జనం చదివారంట. బహుశా వెరే వెరే భాషల్లో బ్లాగుని విభాగించుకుంటూ పోతే, అన్ని భాషల వాళ్ళూ ఇదేమిటబ్బా అని చూసేసి ఉంటారు.

లేదా బ్లాగు సందర్శకులను పెంచుకోవటానుకి తుత్తర తెలివితేటలు కాబోలు..ఒకవేళ దారి తప్పు కూడా ఉండచ్చు, ఏమో ఎవరికి తెలుసు ఇందులో తిరకాసు ఏంటో!

ఇంతకీ మనం కూడా చూసి ఊరుకుందామా, అయ్యగారికి ఒకమాట చెప్పుదామా? ఏమంటారు?

విస్టాలో ఏముంది?

బహుశా మీ అందరికీ తెలిసే ఉంటుంది…మైక్రోసాఫ్ట్, మొన్ననే వాళ్ళ సరి కొత్త ఆపరేటింగ్ సిస్టం విడుదల చేశారు అని…ఐతే!

అందరు అంటున్నది నిజమే.. విస్టాలో, ఎక్స్ పి కంటే పెద్ద పెను మార్పులు ఏమీ కనపడలేదు, కేవలం కొంత ఆకర్షణీయంగా మాత్రం ఉంది, వీళ్ళు OS X ని కాపీ కొట్టారు అనే విష్యంలో వాస్తవం లేక పోలేదు. ( OS X అనేది APPLE మ్యాక్ కంపెనీ వారి  OS “ఓ యెస్” ). తదణుగుణంగానే ఇది మన కంప్యూటర్ని పూర్తిగా వాడేస్తుంది, ఆ గ్రాఫిక్సుని రన్ చెయ్యడానికి!

ఐతే, ఎప్పటిలాగే ధీటైన సాఫ్ట్వేర్ తయారు చేశే మ్యాక్ వారు, వారి తదుపరి ఆపరేటింగ్ సిస్టం(OS X Leapord) ని వేసవిలో విడుదల చెయ్యనున్నారు. వీరి గొప్పతనం వారి సాఫ్ట్వేర్ కంటే కూడా వారి కంప్యూటర్ హార్డ్వేర్ అని చెప్పుకోవాలి. ఒక సారి ప్రయత్నిస్తే మీకే తెలుస్తుంది లెండి!

ఇంతకీ, విస్టా సంగతులు చెప్పుకోవాలంటే, అన్నింటికంటే ముఖ్యంగా మన తెలుగుకి ఇందులో సరిపడా సౌకర్యం ఉంది, వేరేగా భాషా పరికరాలు, ప్యాక్లు వెయ్యల్సిన పని లేదు, కేవలం మన కీబోర్డుని కాంఫిగర్ చేస్తే సరిపోతుంది, ఐతే మీరు మీ మీ కంప్యూటర్ హర్డ్వేర్లు విస్టాను సమర్ధించగలవో లేదో ముందుగానే చూస్కోవటం మంచిది. నిజమే, మన దేశంలో కొనటానికి ఖరీదే కానీ మీకు ఎలా రప్పించుకోవాలో తెలుసునని నాకు తెల్సుయంది కాదు!

ఇందులో కొన్ని అప్లికేషనులు, మేడియా ప్లేయర్, కాంటాక్ట్స్ వంటివి పరిపుష్టంగా ఆకర్షణీయంగా ఉన్నయని చెప్పాలి. ఏది ఏమైనా ఇది పాత విండోస్ కి అప్ గ్రేడే కనుక, ఆ ఆకర్షణ అంతా పైన పెటారం లోన లొటారం అని మెల్లగా తెలుస్తుంది…. కొన్నళ్ళు వాడాక ఈ విష్యాన్ని మీరూ గమనిస్తారు.

పెద్దగా అర్జించలేక పోయినా ఈ ఆపరేటింగ్ సిస్టం కనీసం మన తెలుగువారికి కొంచెం ఉపకారి అంతే(తెలుగు అంటే ఒట్టి తెలుగే కాదు దేశ భాషలకి బానే సపోర్ట్ ఉంది)…నష్టాలు, కష్టాలు పడుతున్న మైక్రోసాఫ్ట్ కి ఇకపై తంటాలు తప్పవేమో, మరి అయిదేళ్ళ పని బూడిదలో పోసిన పన్నీరైంది కదా..

కొత్తగా కంప్యూటర్(మొత్తం ప్రొప్రైటరీ) కొనే వాళ్ళు రాబోయే మ్యాక్ కోసం ఆగటం మంచిది అని నా ఉద్దేశం, మ్యాక్ నిజానికి చాల తెలికగా, అందంగా ఉంటుంది… మీకు నచ్చుతుంది కూడా.

విస్టా గురుంచి మీ వ్యాఖ్యలు, సందేహాలు(తెలుగుకి సంబంధించి..) తెలియచేయగలరు. తెలుగు బ్లాగర్ల సంఘం వారి (AUTO ENABLE SOFTWARE) ఏమైనట్టో? ఆ ఫైళ్ళు నాకు సరిగ్గా తెలీగు కానీ, ఆ సహాయం కూడా నేను చేద్దామనుకుంటున్నాను… XP, 98 లు వాడేవాళ్ళకి కావాలి కదా మరి!

నా ఎదవ గోల…

ఇదేంటి అనుకుంటున్నారా, ఏమీ లేదండీ బాబు, అసలు బ్లాగర్ల ప్రపంచానికి నన్ను నేను పరిచయం చేస్కోకుండానే బ్లాగేస్తున్నను అనిపించి ఎస్.డి చెప్పుకుంటున్నా అంతే.

నిజానికి నేన్ను కొత్తగా పరిచయం చేస్కోకపోవటానికి కొన్ని కారణాలు ఉన్నాయి లెండి.

ఒకటి. నేను ఇంతకు ముందు దాకా ఒక నాలుగు కొత్త బ్లాగులు కెలికి వదిలేశా..ఇది కూడా అలా చేస్తానేమో అనీ… (ఇప్పుడు లేదు లెండి)

రెండు. ఈ బ్లాగుని నా సొంత బ్లాగులాగా కాకుండా… కొంచెం జనరల్ గా రాద్దామనుకున్నా… అది కూడా ఒక కారణం.. (కానీ జనాలు అయ్యోమయ్యంలో పడతారేమో అని ఇప్పుడు తప్పలేదు)

ఇంతకీ…వివరాలు
పేరు: మధు
ఉన్న చోటు: అప్రస్తుతం
బ్లాగు పేరు: దీనికి “జిల్లా గ్రంధాలయం” అని పెట్టడానికి కారణం, అందర్కి పనికి వస్తుంది అని….(కొంచెం వెరైటీగా కూడా ఉంటుంది కదా).. అందుకే ‘నా గోల’కి వేరే tag పెట్టానులెండి.

మిగితావి మళ్ళీ మాట్లాడుకుందాం, ఉంటా మరి…

వెర్రి వెయ్యింతలు అవ్వటం అంటే ఏంటో అనుకున్నా

ఇందాకే యూట్యూబ్ లో ఈ పవన్ కల్యాణ్ వీడియో చూశా.. మామూలే కదా ఇలాంటి ప్రోగ్రాములు ఏవో ఎలాగూ జరుగుతాయి కదా వజ్రాత్సవాల తర్వాత అనుకున్నా, ఐతే అందులో వింత ఏమీ లేదు కానీ, కింద జనాల కామెంట్లు చూశాక దిమ్మ తిరిగింది నాకు….

అసలు, ఆ వీడియోలో మోహన్ బాబుని పవన్ కల్యాణ్ ఏమన్నడు, “తమ్ముడు” అని వ్యంగ్యంగా మాట్లాడటం తప్ప! ఇంతకీ అసలు మోహన్ బాబు మళ్ళా ఏమి అన్నాడు అని ఈ సంభాషణ అక్కడ వచ్చిందో! వజ్రోత్సవాలలో మాత్రం చిరంజీవిని మోహంబాబు ఏమి అంత గేలిచేశాడో కూడా తెలీలేదు, ఏదో మబ్బులో ఉన్నట్టు ఉంది నాకు, రాష్ట్రం లో లేను కదా?

అసలు జనాలు ఏంటి, మోహన్ బాబుని పిచ్చ పిచ్చగా తిడుతున్నారు, ఇక్కడ ఈయనగారు(చిరంజీవి) ఏమో బుద్ధిమంతుడి ఫోసులో కుర్చుని నవ్వడం ఒకటి మళ్ళా. చిరంజీవికి అవార్డు రావడం కరెక్టే అంటే మాత్రం ఒకొక్కడిని పట్టుకుని తన్నాలనిపిస్తుంది. మోహం బాబు చిరంజీవిని ఉద్దేసించి ఉంటే, అది కొంచెం ఆలోచించకుండా చేశిన పనే, నిజమే!

మరి చిరంజీవి మాటేంటి, ప్రతి సినిమాలో బొచ్చెడు సార్లు బ్లడ్ బ్యాంక్ పేరు చెప్పి దానికి పబ్లిసిటి, బ్లడ్ బ్యాంకు పేరు చెప్పి ఈయన సొంత పబ్లిసిటి, జనాలకి ఇవేమీ తెలీకుండా జేజేలు కొట్టెయ్యడం… సినిమాలు ఫ్లాప్ అవ్వడం, వెంటనే అవార్డు వచ్చెయ్యడం!

నేనూ ఒకప్పుడు భయంకరమైన చిరంజీవి అభిమానినేనండొయ్, కానీ నిజాలు మాట్లాడాలి కదా కనీసం అప్పుడప్పుదు అన్నా(తప్పుదోవ అన్నా వెళ్ళకుండా ఉంటే చాలు మన వరకు) నాయకులే మారుతున్నప్పుడు నేనెంత…యధా రాజ తదా ప్రజ!

కొందరి మాట (ప్రస్తుతానికి)

గమనిక: పైన రాశిన పోస్టును ఇష్టం లేని వారు చదవ వలసిన పని లేదు.
Disclaimer: Reader discretion is strictly encouraged.

తెలుగు అనువాదాలు కావలెను

మీకు తెలిసిన విషయమే.. మనలో చాల మందికి తెలుగు అంత బాగ రాదు అని… కాని వచ్చిన వాళ్ళు నాకు దయచేసి సహకరించగలరు.

నేను ఒక చిన్న సాఫ్ట్ వేర్ ప్రాజెక్టు(లోకలైజేషన్) చెయ్యడానికి కొన్ని ఆంగ్ల పదాలకి తెలుగు అనువాదం కావలిసి వచ్చింది.. నా లొకలైజేషన్ పూర్తి అవ్వగానే మొత్తం ఏమిటనేది వివరిస్తాను, ఇది బాగ పనికొస్తుంది అని నాకు నమ్మకంగా ఉంది

ఆ పదాలు కింద ఉన్నాయి, దయ చేసి మీరు ఆంగ్ల అనువాదాలు కామెంట్లో కాని, నా ఈమెయిలుకి కానీ పంపగలరు.. ముందుగా ధన్యవాదాలు.

1. File

2. View

3. Settings

4. Page Setup

5. Encoding

6. Favorites

7. Indent

8. default scheme

9. Minimize to tray

10. Customize

11. Tab(key)

12. Recent

13. Run

14. Matching

15. Configure & Convert & Edit

16. Document

17. Word wrap

ఆ పదాలను చూస్తే మీకు అర్థమౌతూ ఉండి వుంటుంది…కానీ నేను పూర్తిచేసే దాకా దయచేసి ఆగండీ, సరేనా?

ముఖ్యమైన ఒడంబడికలు (conventions)

సరే…మనం మొత్తానికి తెలుగు రాయటం(లేదా టైపు చెయ్యటం) ఐతే మొదలు పెట్టాము, కాబట్టి కొన్ని ఒడంబడికలు కూడా నిర్దేసించుకోవాలిగా, ముందుగా

క్రమ బద్ధీకరణ:

మీరు ఏ వికిపీడియాలోనో చదివితే మీకు అర్ధం ఔతుంది, అక్కడ కొన్ని వ్యాసాలు బాగానే ఆలోచించి వ్రాసారు, కాని మరి కొన్ని క్రమాన్ని పాటించలేదు, అది పాఠకులకు ఇబ్బంది కదా?
ఉదా ఊళ్ళ పేర్లు ఉన్న ఈ పేజీ క్రమ పద్ధతిని పాటించింది, కానీ ఇక్కడ అలాంటి ఒక జాబితా పద్దతిలో లేదు చూడండి.

నిదానంగా మర్పు

ఒకేసారిగా అచ్చ తెలుగు పద్దలను వాడేస్తే నేడు మీ బ్లాగు పత్రాన్ని చదవటమే కష్టం అవ్వగలదు.. అందుకని ముందు తేలిక పదాలను వాడుతూ, మీ బ్లాగులు జనాదరణ పొందుటం మొదలు పెట్టాక మెల్లగా తెలుగుని సంపూర్ణంగా వాడటం మంచిదని నా అభిప్రాయం.

గుర్తులు(punctuation marks)

తెలుగులో బ్లాగు రాశేటప్పుడు మధ్యలో వాడే (“,”,!,?,&,*@, వగైరా) ని తగ్గించగలరు, ఎందుకంటే యూనీకోడ్ తెలుగు మధ్యలో యాస్కీ ఆంగ్లాన్ని వాడటం వలన, ఆ అక్షరాలు పైకి లేచి నుంచుంటాయి, ఇది మరింత ఇబ్బందికరం.

తెలుగు లింకులు

చాలామంది సాగి ఉన్న లింకులను అసహ్యంగా భావించి వాటిని (post slugs) ఆంగ్లంలోకి మారుస్తున్నారు, కానీ అవి అలా సాగటంలోని ఉద్దేశం మీ “సంచారి (browser) “ని తెలుగు url ను చూపించ గలిగేట్టు చెయ్యాలనుకోవడమే!

బ్లాగు టెంప్లేట్

బ్లాగు అందానికంటే కూడా అక్షరాలు తేలికగా చదివేట్టు ఉందగలిగేలా చూస్కోగలరు. తెలుగు స్క్రిప్టు సరిగ్గా కనపడాలి.

గమనిక

టెంప్లేట్ మినహా తక్కిన ఒడంబడికలన్నీ అన్ని వ్రాత పద్దతులకూ పనికొస్తాయి, అవసరం అనిపించినచోట ఆలోచించి వాడగలరు. తక్కినవి ఇంకేమన్నా ఉంటే ఇదే పోస్టులో మారుస్తుంటాను. ధన్యవాదాలు….

సిగ్గు చేటు..సినిమా పండగ

75 సంవత్సరాల సినిమా పండగ ఇలా ఉంటుంది అని నేను అనుకోలేదు. నేను మొత్తం చూడలేదో లేక పోతే అది అంతేనో కానీ, గొప్ప నటులకి పెద్ద పీట వెయ్యలేదు అని అనిపించింది.

చిరంజీవీ మోహన్ బాబు ల విష్యం ఐతే మరీ ఘోరం.. ఎక్కడో మన వాళ్ళ బ్లాగులో ఈ మధ్య చదివాను, “బాలకృష్ణ, చిరంజీవి కలిసి పోయారు – ఏంటి ఈ వింత” అని ఎవరో వ్రాసారు, అది కూడా నిజం కాదు అనిపించింది… ఈ విష్యం రూఢీ చెసుకోవడానికి నేను మరీ నిశితంగా ప్రతి వీడియోనీ పరిశీలించాను.. అంత సీను ఏమి లేదు లెండీ, ఏవో స్పర్ధలు కచ్చితంగా ఉన్నాయని మాత్రం అనిపించింది.

ఇంకా చిరంజీవి స్టాజీ మీద మాట్లాడుతుంటే పవన్ కల్యాణ్ జనాల్లో లేచి చిందులు తొక్కడం చూస్తే ఏదో ఆకతాయి పని లాగే ఉంది కానీ ఆ విష్యం ఎవరూ మెచ్చుకోరు. ఈ విష్యం ఇలా ఉండగా చిరంజీవి స్టేజీ దిగి ముందుగా అతన్నే కౌగిలించుకోవడం నన్ను ఆశ్చర్యపరిచింది.

నేను చిన్నప్పుడు, చిరంజీవి రాజకీయాలు చేస్తాడు అంటే నమ్మలేదు కానీ ఇప్పుడు అది కూడా నమ్మచ్చు అనే విధంగానే అంతా నడిచింది. చివ్వర్లో సునీల్ చదివిన వార్తలు మాత్రమే కాస్త నవ్వించగల్గాయి.. ఇంకా నిర్మలమ్మ చెప్పిన తన సినిమా కధ కూడా గుర్తుండిపోయే భావాలు రగిలించింది. మరెందరో నటులు త్రుప్తి చెందలేదనేది మాత్రం స్పష్టమైందిలే!

మహా నటులకు, దర్శకాది పెద్దలకు,ఇతర సినిమా సిబ్బందికీ, వందనాలు… సినిమా వర్ధిల్లాలి, ముందుగా బాగుపడాలి, ఇప్పట్లో తెలుగు సినిమాకి ఇది కష్టమే అనిపిస్తోంది, జనాలు ఏమి అంటారో?

వెనుక బడి ఉన్నాం!

కొద్ది రొజులుగా నేను ఏమి ఆలొచిస్తున్నానో, ఏమి వెతుకుతున్నానో, టూకీగా…

100 కోట్ల జనభా ఉండగా…ఆంగ్లము మాట్లాడటానికి మనం ఎందుకు తాపత్రయ పడుదుతున్నామా అని…
-> నిజానికి..ఆంగ్లం మాట్లడటానికి ఇల మనం అలవాటు పడిపోవడం వల్లనే ఇప్పుడు దేశ భాషల్లొ ఒక్క సరైన సాఫ్ట్ వేర్  కూడా లేదు ( దీని వల్ల మన కంప్యూటింగ్ విధానానికే పెద్ద దెబ్బ! )…అదే ఇంగ్లీషు, చైనీస్ లలో ఐతే
ఏకంగా ఎంటర్ ప్రైస్ ఎడిషన్లు వస్తున్నాయి..

ఏమయ్యి ఉంటుంది:
నిజానికి ఈ కంప్యూటర్ల విషయం లో కూడా  మనమే ముందు ఉండే వాళ్ళం! కానీ బ్రిటీష్ పాలన వల్ల మనం పోగొట్టుకున్న వాటొలో ఇది కూడా ఉంది అని అప్పుడే అర్ధం అయ్యింది. ఇప్పటి యూనీకోడ్  లాంటి విధానం ఎప్పుడో వచ్చి ఉండేది…చండాలంగా “యాస్కి” మత్తులో పడ్డాం మనం, మన దురద్రుష్టం…మన కాలీజీలలో కూడా  “యాస్కి” కంప్యూటింగ్ నే నేర్పిస్తున్నారు (“సి” అండి బాబు!). కనీసం యూనీకోడ్ ని వాడగల కంప్యూటర్ భాష(అన్ని ఇంజినీరింగ్ బ్రాంచ్ ల వళ్ళకి) ఒక్కదానిని అన్నా నెర్పితే…బాగుండు కదా!

దేశ భాషల్లొ, ఒక్క ప్రోగ్రామింగ్ లాంగ్వాజీ కూడా లేక పోవడం మన దురద్రుష్టం కాదు, మన నిర్లక్ష్యం. దానికి తోడు… స్కూళ్ళలో కుద ఇంగ్లీషుని ని తోశేస్తున్నాం. దౌర్భగ్యం కాక ఏమంటారు?

ఇంకా, ఏదన్నా కొత్త సాఫ్ట్ వేర్ (ఫైర్ ఫాక్స్ ఏ అనుకోండి), దానికి ముందుగా తమిళ్, హింది లాంగ్వాజీ ప్యాక్ లు ఉంటాయి… కాని..తెలుగు కి మాత్రం ఉండవు, పుండు మీద కారం చల్లినట్టు! ఎంటయ్యా అని అడిగే వాళ్ళే ఉండరు.. మనం తెలుగు లంగ్వాజ్ ప్యాక్ కావాలని డిమాండ్ చెస్తే కదా వళ్ళు తయారు చెశేది!

కొసమెరుపు:
మీకు ఒకటి చెప్పనా… తెలుగు, తమిళ్ లో మొట్ట మొదటి గా  ఒక స్క్రిప్టింగ్ లాంగ్వాజీ ని కనుక్కున్నారంట….దాని తరవాత ఒక బుడ్డోడు.. హిందావి అనే ప్రోగ్రామింగ్ లంగ్వాజీ కనిపెత్తాడంట…

ఐతే ఇది హిందీ లో నే ఉంటుంది..వాడు దానికి బెంగాలి వర్షన్ కూడా తయారు చేశాడంటలే తర్వాత! మీ ఆలోచనలు ఏంటో కింద వ్రాయ గలరు…నేను ఇంక సరిగ్గా చెప్పలేక పోతున్నాను అనే వెలితి నాకైతే ఉంది.